Теміртауда өзімен бірге шолақ мылтық алып жүрген азамат ұсталды
27 ақпан күні Қарағанды облыстық ПД ҰҚҚК басқармасымен ҚАЖД қызметкерлерінің бірлескен “Қару” жедел алдын алу іс-шарасын өткізді.
Алматы, NEGE. Іс-шара барысында сөмкесінде 16 калибрлі аңшы мылтығынан жасалған шолақ қаруы бар 24 жастағы азамат ұсталды. Ұсталған азамат Қарағанды қаласында тұратынын, Теміртауға танысына келгенін айтты. Сондай-ақ ол қолындағы қаруды тауып алғанын түсіндірген.
Сонымен қатар 24 жастағы азамат полиция қызметкерлеріне тауып алған қаруды полицияға тапсырмақшы болдым деп сендіргісі келді.
ҚР ҚК 287-бабына сәйкес, қылмыстық іс қозғалып, баллистикалық сараптама тағайындалды.