Теміртауда көршісіне мылтық атқан ер адам ұсталды
Теміртауда тәртіп сақшылары көршісімен жанжал барысында үйінен мылтық алып шығып, оқ атқан ер адамды құрықтады.
Алматы, NEGE. Ұсталған азамат кінәсін мойындады, деп хабарлайды ҚазАқпарат тілшісі. ҰҚСАС ЖАҢАЛЫҚТАР БҚО шекарасында 300-ге жуық тонды заңсыз өткізбек болғандар ұсталды Ақмола облысында студентті өлтірген күдіктілер ұсталды Арқалықта 15 жасар жасөспірім өтіп бара жатқан қыздарға оқ атқан Талдықорғанда 23 жастағы ер адам полицейге пышақ салды 9 мамырда жедел-іздестіру іс-шараларын жүргізу кезінде Теміртау қаласы ПБ криминалдық полиция қызметкерлері оқ қаруын қолданып, бұзақылық жасағаны үшін іздестіріліп жатқан 32 жастағы қала тұрғынын ұстады.
«Күдікті өз кінәсін мойындады. «Armsan« маркалы тегіс ұңғылы мылтық тәркіленді. Тиісті сараптамалар тағайындалды», - деп хабарлады Қарағанды облысы ПД баспасөз қызметі. Естеріңізге сала кетейік, 8 мамыр күні сағат 20:42 шамасында Теміртау қаласында 8 шағын аудандағы аулалардың бірінде кәмелетке толмаған екі бала арасында жанжал болды. Балаларды ажырату үшін үйлерінен әкелері шыққан. Алайда, жағдайды анықтау барысында балалардың бірінің 43 жастағы әкесі 32 жастағы қарсыласын бетінен ұрған. Содан кейін соңғысы үйінен мылтық алып, екі рет ауаға оқ атып, қашып кеткен. Атыс кезінде зардап шеккендер жоқ.