Темекі тағы да қымбаттайды
2020 жылғы 1 шілдеден бастап темекі мен шылымның ең төменгі бағасы 440 теңге болады.
Алматы, NEGE. Бұл жөнінде Маңғыстау облысы бойынша мемлекеттік кірістер департаменті мәлім етті. 2020 жылғы 1 шілдеден бастап 31 желтоқсанына дейін сүзгісі бар және сүзгісіз темекі мен шылымға 440 теңге көлемінде ең төмеңгі баға белгіленеді.
Бүгінгі таңда 30 маусымға дейін кезеңде сүзгісі бар және сүзгісіз темекі мен шылымның ең төменгі бағасы – 420 теңге көлемінде.
Темекі бағасы ҚР Үкіметінің 2007 жылғы 4 сәуірдегі қаулысымен бекітілген.
Ал 2021 жылғы 1 қаңтардан бастап темекі мен шылымның ең төменгі бөлшек бағасы 460 теңге болады.
