Телерадио хабарларын тарату қалпына келтірілді
Цифрлық даму, инновациялар және аэроғарыш өнеркәсібі министрлігі ел аумағында спутник жүйесі бойынша телерадио хабар тарату қызметі қалпына келтірілгенін мәлім етті.
Алматы, NEGE. «16 қыркүйекте сағат 10:11-де спутник бойынша телерадио хабарларын тарату қалпына келтірілді. «Республикалық ғарыштық байланыс орталығы» АҚ аталған жүйенің қызметін қалпына келтіру үшін таңертеңге дейін жұмыс істеді», - делінген ведомство мәліметінде.
Атап айтқанда, дәл қазір басқа да байланыс қызметтерін қалпына келтіру жұмыстары жалғасып жатыр. Сондай-ақ KazSat-3 ғарыш аппаратындағы осы ақаудың болуы себебін анықтау іс-шаралары атқарылады.
Бұдан бұрын «Қазтелерадио» АҚ қазақстандық KazSat-3 спутнигіндегі төтенше жағдайға байланысты OtauTV пакеттеріндегі кейбір қазақстандық және шетелдік телеарналар жұмыс істемей тұрғанын мәлімдеген болатын.