Техастағы атыста бес адам қаза болды
АҚШ-та бірнеше адамның қазасына әкелген атыс болды. Бұл жолы Техас штатындағы Кливленд қаласында қарулы қаскөй 5 адамды мылтықтан атып өлтірді.
Алматы, NEGE. Арасында 8 жасар бала болған. Полицияның айтуынша, қаза болған екі әйел өз денелерімен балаларын жауып, ажалдан арашалап алды. Ұлты мексикалық қылмыскер мас күйінде өз ауласында оқ ата бастаған.
Құрбандардың арасында екі әйел болған. Полицияның сөзінше, олар басқа балаларды денесімен жауып, қорғап қалған. Қайғылы оқиға жұма күні кешке Хьюстоннан солтүстік-шығысқа қарай 70 шақырым жердегі Кливленд шағын қаласында болған.
Жергілікті шерифтің сөзінше, полиция жартылай автоматтандырылған винтовкамен қаруланған қылмысқа күдікті мексикалық азаматты іздестіріп жатыр. Ол үйдің маңында оқ атуды бастағанда мас болған тәрізді, ал тұрғындар тоқтатуын сұрағанда оларға қарсы оқ жаудыра бастаған.
Жалпы сол уақытта үйде 10 адам болған, бәрі Гондурастан. Полиция олардың атын және атыс ұйымдастырған адамға қандай қатысы бар екенін хабарламады.
