Театр ұжымы бес айдан соң көрерменмен қауышты
Қарағанды облысында да бүгіннен бастап, карантин шараларын жеңілдетудің екінші кезеңі басталды, деп хабарлайды «Хабар 24».
Алматы, NEGE. Бассейндер, спорт кешендері, мешіттер мен шіркеулер және мәдениет нысандары қайта ашылады. Десе де, белгілі бір шектеу шаралары мен нормалар әлі де сақталмақ. Осы мәдени нысандардың ішінде Сәкен Сейфуллин атындағы Қарағанды облыстық қазақ драма театры да бар.
87 жылдық тарихы бар театр бір ғасырға жуық уақытта бірінші рет 5 ай бойы көрерменнен қол үзіп қалды. Ал театрды 2012 жылдан бері басқарған Сансызбай Бекболатов пен режиссері әрі актеры Сламбек Жұмағали қауіпті инфекциядан көз жұмды. Бұл ұжым үшін соның ішінде, өнер адамы үшін, өте ауыр соққы болды. Жалпы, жыл сайын театр өкілдері кемі 6 жаңа спектакльді көрермен назарына ұсынып отырады. Жанрлар да әр түрлі. Қазіргі таңда театр репертуарында 100-ге тарта спектакль болса, соңғы бес жыл бойына әр жылы көрермен назарына 250 ге жуық қойылым ұсынды. Қазақ драматургтерінен өзге, бауырлас халықтар қырғыз, әзербайжан мен башқұрт, татар, түркі жұртының шығармалары және орыс сондай-ақ, әлемдік классиканың да үлглілері сахналанып келеді.