Дүние
Таяу Шығыстағы шиеленіс: Израиль Иранның соққысына жауап қайтаруға ниетті
Израиль жақын күндері Иранның зымырандық шабуылына «маңызды жауап» ретінде соққы жасайды, деп жазады Axios израильдік шенеуніктерге сілтеме жасап.
Алматы, NEGE. Израиль премьер-министрі Биньямин Нетаньяху Иранның зымырандық шабуылын «үлкен қателік» деп атады. Сонымен қатар ол Иранның соққысына жауап болатынын жеткізді. Ирандағы мұнай өндіру және басқа да стратегиялық маңызды ғимараттар нысанға алынуы мүмкін.
Axios агенттігінің хабарлауынша, Израильдің қауіпсіздік кабинеті өткізген отырыста Иранға қатысты әскери реакцияны талқылаған, бірақ соңғы шешімді қабылдамады, өйткені Израиль билігі «стратегиялық салдарларға» байланысты АҚШ президентінің әкімшілігімен кеңесуді жөн көрген.
Сонымен қатар, Нетаньяху әлемді Иранға қарсы бірігуге шақырды.
Естеріңізге сала кетейік, Иран Израильді зымыранмен бомбалаған болатын.