Таяу Шығыста жүрген Қазақстан азаматтары эвакуациялануы мүмкін
Таяу Шығыс ахуалға байланысты ҚР Сыртқы істер министрлігі Қазақстан азаматтарын эвакуациялауға қатысты мәлімдеме жасады.
Алматы, NEGE. «Қазақстан азаматтарын эвакуациялау мәселесі пысықталып жатыр және ол Сыртқы істер министрлігінің ерекше бақылауында. Отандастарымызды қиын жағдайда қалдырмаймыз, Қазақстан Республикасының шетелдегі әрбір азаматына қамқор болу – сыртқы саяси ведомствоның негізгі міндеті.
Израильдің халықаралық әуежайы штаттық режимде жұмыс істеп тұр. Ал Иранда барлық рейс 3 қазанға (таңға дейін) дейін тоқтатылды. 1 қазанға дейін Ливандағы 100-ден астам шетел елшіліктері өз азаматтарын эвакуациялаған жоқ. Оның үстіне Ливан билігі тарапынан тиісті бұйрық болған жоқ», - деді ресми өкіл Айбек Смадияров.