Татарстанға шабуылдаған дрондардың Қазақстаннан ұшырылғаны рас па?
ҚР Қорғаныс министрлігінің баспасөз қызметі кейбір Telegram арналарда Татарстан Республикасының объектілеріне шабуыл жасаған ұшқышсыз басқарылатын дрондардың Қазақстан аумағынан ұшырылғаны туралы жарияланған ақпараттың шындыққа жанаспайтынын мәлімдеді.
Алматы, NEGE. «Мұндай жалған мәлімет Қазақстан Республикасының беделін түсіруге бағытталған. Осыған байланысты азаматтар мен бұқаралық ақпарат құралдарына таралған қауесеттерге мән бермеуін және тек ресми ақпарат көздеріне сенуін сұраймыз», – делінген Қорғаныс министрлігі таратқан мәліметте.
