Тастанды балаларға арналған орталық ашылды

Алматы, NEGE. Тастанды сәбилердің өмірін сақтап қалу мақсатында қайырымдылық қорының бастамасымен Алматы облысы Еңбекшіқазақ ауданаралық көпсалалы ауруханасының жанынан «Үміт бесігі» орталығы ашылды. Түрлі себептермен бауыр еті баласынан безінгендер енді кішкентайын көшеге емес, күні-түні жұмыс істейтін осы жерге қалдыра алады. Егер ар-ұяты оянған аналар сәбиін қайтадан қолына алғысы келсе, үш айға дейін мүмкіндігі бар.

Гүлмира Байділдәқызы, Еңбекшіқазақ ауданаралық көпсалалы ауруханасы бас дәрігерінің орынбасары Гүлмира Байділдәқызы: "Ол жаңағы біздің «Отис» деген охрананың күзетінде болады. Оның жаңағы мына есігі ашылған кезде күзетке телефонға келіп түседі қоңырау. Біздің мейірбикеміз бар. Жаңағы баланы алып кетеді. Оған ары кетсе 1,5 минуттық уақыт кетеді. Баланы реанимацияға алып барады", - деді.