Тасмағамбетовтің ҰҚШҰ-дағы өкілеттігі аяқталуға жақын
Иманғали Тасмағамбетов Ұжымдық қауіпсіздік туралы шарт ұйымының бас хатшысы қызметіне 2023 жылдың 1 қаңтарынан 2025 жылдың 31 желтоқсанына дейін үш жылға тағайындалған. Енді оның өкілеттік мерзімі аяқталуға жақын.
Астана, NEGE. 27 қарашада Бішкекте Қырғызстанның төрағалығымен ҰҚШҰ-ға мүше елдердің сыртқы істер министрлері, қорғаныс министрлері және қауіпсіздік кеңесінің хатшыларының бірлескен отырысы өтеді. Сондай-ақ, Ұжымдық қауіпсіздік кеңесінің сессиясы ұйымдастырылады.
Ұйымның хабарлауынша, сессияда мүше мемлекеттердің өзекті қауіпсіздік мәселелері бойынша ортақ ұстанымын көрсететін Декларация қабылданады. Сонымен қатар, 2026-2029 жылдарға арналған ҰҚШҰ бас хатшысы қызметіне кандидатура қаралады.
Еске салайық, Украинаның «Миротворец» сайты Тасмағамбетовті өз базасына енгізді. Авторлар оны «Ресейдің агрессиясын жария түрде қолдады, сондай-ақ Украинаның егемендігі мен аумақтық тұтастығына қол сұқты» деп айыптап отыр.
Қазір оқып жатыр
Оңтүстікте жұмыс уақытында құмар ойын ойнаған шенеуніктер қызметінен қуылды
26 маусымда Парламент Палаталарының бірлескен отырысы өтеді
«Ертіс қателікті кешірмейді»: Павлодар облысының әкімі тұрғындарға үндеу жасады
Футбол федерациясы «Ордабасымен» өткен матчтан кейін «Елімайды», Карповичті және төрешіні жазалады
