Тасмағамбетов ресми мәлімдеме жасады
Facebook пен Instagram-да Иманғали Тасмағамбетовтің атынан ашылған фейк парақшаларды көруге болады. Алайда оның жеке басының бұл аккаунттарға қатысы жоқ, деп хабарлады stopfake.kz.
Алматы, NEGE. Мысалы, Instagram-дағы осындай аккаунттардың бірі tasmagambetov_official парақшасына 45 мыңнан астам адам жазылған, екіншісі – imaangali_tasmagambetov – жазылушылар саны мыңнан асады. Facebook–те де оның атынан парақшалар ашылған.
Иманғали Тасмағамбетов Stopfake.kz-ке бұл аккаунттарға қатысы жоғын айтты. Айтуынша, әлеуметтік желілерде парақшалары жоқ.
«Құрметті достар!
Соңғы уақытта әлеуметтік желіде менің атымнан түрлі тақырыпта арандатушылық ақпарат жүктелген жалған аккаунттар мен парақшалар пайда болып жатыр. Сөз жоқ, бұл жеке менің абырой-беделімнен бөлек, әрбір азаматтың ғаламтордағы қауіпсіздігіне төнетін үлкен қатерді көрсетеді. Ресми түрде мәлімдеймін, менің әлеуметтік желіде ешқандай парақшам жоқ. Баршаңыздан мұндай арандатуға қарсы тұрып, жалған ақпарат таратпауларыңызды сұранамын.
Құрметпен, Иманғали Тасмағамбетов», – деді ол.
Қазір оқып жатыр
Оңтүстікте жұмыс уақытында құмар ойын ойнаған шенеуніктер қызметінен қуылды
26 маусымда Парламент Палаталарының бірлескен отырысы өтеді
«Ертіс қателікті кешірмейді»: Павлодар облысының әкімі тұрғындарға үндеу жасады
Футбол федерациясы «Ордабасымен» өткен матчтан кейін «Елімайды», Карповичті және төрешіні жазалады
