Тараздағы базардан өрт шықты
Бүгін, 20 қаңтарда 13-22 -де Жамбыл облысы ТЖД Өртке қарсы бөлімшелеріне "Ақсай" базарындағы жеке тұрған екі қабатты ғимаратта шатырдың жануы туралы хабарлама келіп түсті, деп хабарлады ТЖМ баспасөз қызметі.
Алматы, NEGE. Жамбыл облысы құтқарушыларының күшімен ғимараттың бірінші қабатынан 4 адам құтқарылды (зардап шеккендердің жағдайы анықталуда).
Алдын ала ақпарат бойынша өрттің ауданы шамамен 1500 шаршы метр. Ғимаратта сауда бутиктері, киім-кешек, ойыншықтар, екінші қабатта маталар мен перделерді сату бөлімдері орналасқан.
Өрт орнында Жамбыл облысы ТЖД 50-ден астам өрт сөндіруші мен 16 техника жұмылдырылды.
Сағат 14.56-да өрт сөндірілді. Өрт сөндірушілер жану орнында қайта жануды болдырмау үшін жұмыстар жүргізуде.
