Таразда орталық базар өртенді
30 қыркүйек күні таңертең Таразда "Береке" орталық базарының асханасы мен сауда бутиктері өртенді. Оқиға орнына өрт сөндірушілер аттанды, деп хабарлайды Zakon.kz.
Алматы, NEGE. Жамбыл облысы Төтенше жағдайлар департаментінің мәліметінше, өрт шыққаны туралы хабарлама сағат 07:52-де түскен.
Баспасөз қызметі оқиға орнына 56 қызметкер мен ТЖД-ның 13 техникасы жіберілгенін мәлімдеді.
Ведомство өкілдерінің хабарлауынша, қайтыс болғандар мен зардап шеккендер жоқ.
Өрттің шығу себебі әлі анықталған жоқ.