Таразда күйеуін абайсызда жазым еткен әйел ақталып шықты
Алты ай абақтыда отырған әйелдің өзін қорғау мақсатында жұбайын өлтіріп алғаны дәлелденген, деп хабарлады "КТК".
Алматы, NEGE. Арна мәліметінше, екі ай бұрын 43 жастағы үш баланың анасы "денсаулыққа қасақана зиян келтіру" бабымен сегіз жылға түрмеге жабылған. Сотталушы қайта апелляциялық шағым түсірген.
Басқа баппен істі қайта саралаған сот алқасы айыпталушының қорғану кезінде абайсызда жолдасын жазым қылғанын анықтаған. Сөйтіп оған бір жыл жаза тағайындаған. Тергеуде алты ай отырған әйел жанжал кезінде азаматтық некедегі күйеуіне пышақ сұғып алған. Бүйрек тұсынан жарақат алған 47 жастағы азамат ауруханада көз жұмған.