Таразда қант алып беремін деп тұрғындарды 2 млн теңгеге алдаған алаяқ ұсталды
Таразда қант алып беремін деп тұрғындарды 2 млн теңгеге алдаған алаяқ ұсталды, – деп хабарлайды Polisia.kz.
Алматы, NEGE. 29 шілдеде Тараз қалалық 2-полиция бөліміне облыс орталығының бірнеше тұрғынынан бейтаныс азаматшаның арзан бағамен қант жеткізіп беремін деп сенімдеріне кіріп, алаяқтық жолмен қаржыларын иеленіп кеткені туралы арыз түсті. Келтірілген жалпы шығын көлемі 2 млн теңгеден асады. Полиция қызметкерлерімен жүргізілген “Anti-fraud” жедел-іздестіру жұмыстарының нәтижесінде, 23 жастағы Тараз қаласының тұрғыны анықталды. Күдікті кінәсін толық мойындады.
Сондай-ақ, оның басқа да осыған ұқсас қылмыстарға қатыстылығы анықталуда. Қазіргі уақытта аталған дерекке қатысты ҚР ҚК-нің 190-бабы 1-бөлігімен (Алаяқтық) сотқа дейінгі тергеу амалдары жүргізілуде.