Таразда 200 көп балалы отбасыға азық-түлік таратылды
Таразда көп балалы және тұрмысы төмен 200 отбасыға азық-түлік қоры таратылды. Қайырымдылық шарасы кәсіпкерлердің демеушілігімен қалалық сауда орындарының бірінде өтті.
Алматы, NEGE. «Сауапты іске атсалысамын деушілер болса, қатарымызға қосылуға шақырамыз», - дейді ұйымдастырушылар. Игі бастама 7 күнге жалғасады. 700 жанұяға жәрдемдесу жоспарланып отыр.
Серіктестік директорының орынбасары Мәди Қасымбекұлы: "Өзіміз осы қалада тұрғаннан кейін, осы елдің азаматы болғаннан кейін осы мекеменің басшысы Серік Бектенович Олжабековтің шешімімен 5 млн теңге бөліп отырмыз. Әрине, қазір барлығымызға оңай емес. Бұл барлығымызға келген сын. Осыны барлығымыз бірлесіп жеңуіміз керек" деді.
