Таразда мұғалімді «жемқор» деп атаған әйел сотқа тартылды
Тараз қалалық сотында мектеп-интернат мұғалімінің ар-намысын, қадір-қасиетін және іскерлік беделін қорғау бойынша азаматтық іс қаралды.
Астана, NEGE. Сот таратқан мәлімет бойынша, даулы жағдай 2024 жылдың қыркүйегінде басталған. Тұрғындардың бірі мұғалімнің үстінен мектеп директорына арызданған. Ол өз арызында педагогті «өсекпен айналысатын, тәрбиешілерге жала жауып, көп мөлшерде ақша жинайтын жемқор» деп атаған.
Осы шағымнан кейін мектеп басшылығы ішкі тексеру жүргізген, алайда бұл фактілер расталмаған. Кейін мұғалімнің өзі сотқа жүгінген. Сот сараптамасы бұл мәліметтердің мұғалімнің беделіне нұқсан келтіретінін анықтады.
Сондай-ақ, сотта жауапкер мұғалімнің ақша жинайтынын дәлелдейтін ешқандай айғақ ұсына алмаған.
Іс материалдарын қараған сот педагогтің сыбайлас жемқорлыққа қатысы жоқ екенін және ақша жинағаны туралы ақпарат шындыққа жанаспайтынын анықтады.
Сот шешімімен қала тұрғыны мұғалімге 100 мың теңге көлемінде моральдық зиян өтеуге міндеттелді.
Шешім заңды күшіне енді.
Қазір оқып жатыр
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
Астанадағы өрт салдарынан қаза тапқан 3 баланың анасы есін жиды
