Тараз: Полицейлер көлігі өртеніп, әкімдік ғимараты бүлінді
Жамбыл облысының әкімі Б.Сапарбаев түнде Таразда болған жағдайды баяндады.
Тараз, NEGE. «Құрметті жерлестер! Кеше мен Тараздың орталық алаңында жиналған халықты тыныштыққа, бассыздыққа бармауға, диалогқа келуге шақырғанмын. Бірақ, өкінішке қарай, жүздеген жас қаланың басты көшелерімен жүріп, заңсыздыққа, бұзақылыққа барды.
Соның салдарынан оннан полицияның оннан астам көлігі төңкеріліп, өртенді. Облыс әкімі аппаратының ғимараты, банк бөлімшесі айтарлықтай зардап шекті. заң мен тәртіп сақталуы керек. Арандатуға бармауға шақырамын! Қатаң ескертемін, қандай бір заңсыздық үшін сіздер жауап бересіздер!», – деді Б.Сапарбаев.