Тараз тұрғындары балабақша маңынан жүйіткіп өтетін көліктерден қауіптеніп, полициядан көмек сұрады
Тараз қаласындағы №30 балабақша орналасқан Әл-Фараби көшесінен өту үшін ата-аналар мен бүлдіршіндер сәт сайын басын қатерге тігуге мәжбүр.
Астана, NEGE. Өйткені, тұрғындардың айтуынша, көлік жүргізушілері жол жиегіндегі арнайы белгілер мен жарықдиодты шамдарды елеместен, жүйіткіп өте шығады.
«Көліктер зулап өтеді, жаяу жүргіншілер жолағына шықсаң да, ешкім тоқтамайды», – дейді жергілікті тұрғындар.
Тараз тұрғындары бұл мәселеге жергілікті полиция қызметі дереу араласып, нақты шара қолданбаса, «соңы үлкен қасіретке әкеп соқтыруы мүмкін» деп қауіптенеді. Олар қауіпті аумаққа жасанды бұдырлар орнатуды немесе полиция бақылауын күшейтуді талап етуде.
Қалалық полиция қызметі тұрғындар шағымы қабылданғанын хабарлады.
