МакSим өнерден кетпек
Ресейлік әнші МакSим денсаулығына байланысты сахнадан уақытша кетуге шешім қабылдады. Бұл туралы әртістің менеджері Маргарита Соколова әлеуметтік желіде мәлімдеді.
Алматы, NEGE. Марина Абросимованың сахнадан уақытша кету туралы шешімі жол апатынан алған жарақатымен байланысты. 2019 жылдың сәуірінде шет елде МакSим мінген көліктің дөңгелегі жарылып, жыраға аударылған болатын. Салдарынан әнші жарақат алды.
«Сіздерден түсіністік танытып, әртіске құрметпен қарауды өтінемін» деген Маргарита Соколова өнер иесінің тыңдармандарынан жоспарланған шаралардың өтпеуіне байланысты кешірім сұрады. Сонымен қатар алдағы уақытта МакSим «Преданным» атты туындысын тыңдармандарға таныстыратынын жазды. Жанкүйерлерімен кездесіп, жаңа альбомын ұсынғаннан кейін МакSим сахнада біраз уақыт өнер көрсетпейді.
