Танымал рэпер Qarakesek есірткімен ұсталды (видео)
Танымал рэп-орындаушы Qarakesek (Омар Амантайұлы) ұсталды.
Алматы, NEGE. Сараптама қорытындысына сәйкес, ол есірткілік мас күйінде болған. Қолында ұнтақ салынған пакет табылды.
«Ақтөбе қаласында жүргізілген жедел іс-шаралар барысында 31 жастағы рэп-орындаушы есірткілік масаң күйінде көлік жүргізіп отырған жерінен ұсталды.
Тінту кезінде одан ұнтақ тәрізді зат салынған зип-пакет табылып, тәркіленді. Сараптама қорытындысы оның синтетикалық есірткі заты екенін анықтады.
Медициналық куәландыру нәтижелері де оның көлікті есірткілік масаң күйде басқарғанын растады», – делінген хабарламада.
Аталған дерек бойынша қылмыстық іс қозғалды.
Сонымен қатар, сот шешімімен құқық бұзушы 15 тәулікке әкімшілік қамаққа алынып, 7 жыл мерзімге көлік жүргізу құқығынан айырылды.