Танымал қазақстандық блогер Моңғолия Президентімен кездесті
Қазақстандық блогер Нұргелді Кердеш Астанада Моңғолия Президенті Ухнаагийн Хурэлсухпен кездесіп, қолынан сый-сияпат алды.
Астана, NEGE. Танымал блогер көрші елдің басшысымен кездескенін әлеуметтік желідегі жеке парақшасында хабарлап, кездесуден видео жариялады. Оның айтуынша, Моңғолия басшысы блогердің өнерін жоғары бағалаған.
«Бүгін әкем екеуіміз Моңғолия елінің Президенті Ухнаагийн Хурэлсухпен кездестік. Осындай жоғары лауазымды адамдар өнерімізді бағалайтынына өте қуаныштымыз», – деп жазды Нұргелді Кердеш.
Сондай-ақ блогер Моңғолия еліндегі оқырмандарына ыстық сәлемін жолдап, жақында сол елге сапарлап баратынын жеткізді.
Нұргелді Кердеш – Instagram әлеуметтік желісінде 6 миллионнан астам оқырманы бар, танымал вайнер. Оның контенті, негізінен, әкесімен бірге түсірілген әзіл-қалжыңға құрылған.