Талғат Мұратов Семей қаласының әкімі болып тағайындалды
Семей қаласының әкімі лауазымына Талғат Мұратов тағайындалды.
Алматы, NEGE. Ол бұған дейін Бесқарағай ауданын басқарды.
Талғат Батырұлы Алматы облысы Қаратал ауданы Кәлпе ауылында дүниеге келген.
2007 жылы – Қазақ бас сәулет құрылыс академиясын, 2015 жылы – Қазақстан инновация университетін, 2018 жылы Қазақ қатынас жолдары университетін аяқтаған.
Еңбек жолын 1993 жылы «Стройдеталь» жеке кәсіпорнының атқарушы директоры қызметінен бастады. Әр жылдарда түрлі мекемелерде басшылық қызмет атқарды.
2014-2018 жылдары Бесқарағай ауданының сәулет, қала құрылысы және құрылыс бөлімінде бас маманнан бастап, бөлім басшысы болды.
2018-2022 жылдары Жарма ауданы әкімінің орынбасары болып жұмыс істеді.
2022 жылдың қазан айынан осы уақытқа дейін Бесқарағай ауданының әкімі лауазымын атқарған.
https://kaz.inform.kz/news/talgat-muratov-semey-kalasinin-akm-bolip-tagayindaldi-829899/
