Талғат Алдыбергенов ҚТЖ басқарма төрағасы қызметінен кетті
Талғат Алдыбергенов «Қазақстан темір жолы» ұлттық компаниясы» АҚ басқарма төрағасы қызметінен босатылды.
Астана, NEGE. Оның өкілеттігі компанияның жалғыз акционері – «Самұрық-Қазына» АҚ шешімімен тоқтатылды.
Талғат Алдыбергенов бұл қызметке 2025 жылғы 3 шілдеде тағайындалған болатын.
Оған дейін ол «Кедентранссервис» АҚ президенті, «АвтоГазАлматы» ЖШС бас директоры, «Kazakhmys Maker» ЖШС басқарма төрағасы сияқты лауазымдарды атқарған.
«Қазақстан темір жолы» ұлттық компаниясының басқарма төрағасы болып тағайындалғанға дейін бір жылдай төрағаның орынбасары болған.
Айта кетейік, таяуда Алдыбергенов «ASTANATRANSEXPRESS» ЖШС-нің құрылтайшысы екенін растаған болатын. Өзінің айтуынша, ұлттық компанияға ауысқаннан кейін компания сенімгерлік басқаруға берілген.