Талғардағы жасөспірімнің қазасына қатысты 10 адам күдікті деп танылды
Бұл туралы Ішкі істер министрінің бірінші орынбасары Бауыржан Әленов мәлімдеді.
Алматы, NEGE. Осыған дейін әлеуметтік желіде аты аталған Хасан Қасымбаевтың бұл іске ешқандай қатысы жоқ екені айтылды.
«Бұл іс бойынша 10 адам күдікті деп танылды. Оқиға орнында 7 күдікті ұсталып, уақытша қамауға алынды.13 қазанда қосымша тағы үш адамды анықтадық. Бұл видеода көрсетілгендер. Тағы 2 адам қылмыстық қудалаудың шеңберінде. Бірақ олардың мәртебесі – қорғану құқығы бар куәгер», - деді Бауыржан Әленов.
Естеріңізге сала кетейік, 4 қазанға қараған түні 16 жастағы Шерзат Болат бір топ қаскөйдің қолынан қаза тапқан еді.
Қылмыстық іс ҚР Ішкі істер министрлігі басшысы мен Бас прокурордың ерекше бақылауында.