Талғарда тергеу изоляторынан қашып кеткен күдіктіні дронның көмегімен тапқан (видео)
Алматы облысындағы Талғар қаласында тергеу изоляторынан қашып кеткен күдіктінің дронмен түсірілген видеосы тарады.
Алматы, NEGE. ТЖМ қашқынның ұсталғанға дейінгі соңғы 5 минутының видеосын жариялады.
Зорлық жасады деген күдікті ағаштар арасында жасырынып, қашып жүргенін байқауға болады. Осының бәрін құзырлы органдар дронмен бақылап, көзден таса боп кетпеуін қадағалаған.
Тараған ақпаратқа сәйкес, күдіктіні сол жердегі адамдар дүкен маңынан көріп қалған. Артынша оны іздеуге полиция төтеншеліктердің дронын жұмылдырған.