Талдықорғанда жасөспірім қыз асылып өлді
14 жастағы қыз 9 қыркүйекте мектептен үйіне оралғаннан кейін сарайға барып, асылып қалған, деп хабарлайды Zakon.kz.
Алматы, NEGE. Жетісу облысы полиция департаментінің баспасөз қызметі хабарлағандай, оқушы қыз "толыққанды, бақ-қуатты отбасынан шыққан, мұғалімдер тарапынан да оң мінездемеге ие".
Қазіргі уақытта аталған фактіге сәйкес, қалалық полиция ҚР ҚК 105-бабының 3-бөлігі, яғни "Кәмелетке толмаған баланы өз-өзіне қол жұмсауға дейін жеткізу" бойынша сотқа дейінгі тергеу амалдарын қолға алды.