Талдықорғанда 7 балалы отбасының үйі өртеніп кетті
Өрт кезінде отбасы үйде болған. Балалар анасымен бірге қашып үлгерген, бірақ отағасының қолы күйіп қалған. 43 жастағы ер адамның өміріне қазір қауіп төніп тұрған жоқ, - деп хабарлайды Tengrinews.kz.
Талдықорған, NEGE. Облыстық Төтенше жағдайлар департаментінің мәліметінше, өрт қысқа тұйықталудан шыққан. "Көктал" шағын ауданындағы үй толығымен өртеніп, апатты жағдайға жетіп, отбасы жеті баласымен баспанасыз көшеде қалды.
"Үйден ештеңе қалмады. Бүгін туыстарымызға түнеуге бардық, бірақ ол жақта да адамдар көп. Олардың алдында ыңғайсыз. Қазір жергілікті қоғамдық орындарда бізге көмек қоры ашылды. Көп рахмет. Талдықорғандықтарға алаңдаушылық білдіргені үшін алғысым шексіз", - дейді Мәншүк.
Әкімдік мәселенің мән-жайын біледі, тіпті оқиға орнына келген. Жеті баланың анасының айтуынша, жергілікті билік тек жаңа баспана табуға ғана көмек көрсетеді, бірақ отбасы өз қаражатынан төлейді.
"Бізге жиналған қаражатқа жаңа үй аламыз. Әкімдік іздеуге көмектесетінін айтты. Бүгін бір-екі нұсқаны қарастырдық, бірақ олар бізге сәйкес келмейді, өйткені балаларым осында жақын жерде оқиды. Оларға жол жүру ыңғайсыз болады", - дейді әйел.
Отбасындағы балалардың үлкені 15 жаста болса, кенжесі бар болғаны бір жаста. Біреуі мүгедек. Отбасы Талдықорғанның қамқор тұрғындарына үміт артып отыр, олардың қаражатына жаңа баспана сатып алады.
Әзірге қанша ақша жиналғанын Мәншүк нақтылаған жоқ.
