Тақ пен бақ: Билікке бекем болудың әзірбайжанша әзірлігі
Nege.kz ақпараттық-сараптамалық порталы біршама уақыттан бері «Президенттер портреті» деген айдармен әрқилы елдердің көшбасшыларының болмыс-бітімдері мен жүріп келе жатқан жолдары жайлы материалдар жариялап келеді.
Президенттер туралы ендетіп қаза жазылған деректер сен тұр, мен айтайын дейтіндей-ақ құнды әрі бірінен бірі өте аса қызықты болып келеді. Қалың оқырман осы күнге дейін Садыр Жапаров, Александр Лукашенко, Шавкат Мирзиеёв туралы жан-жақиы сараптап берілген бірталай мәліметке қанықты. Президенттердің портретін ашу жазбасының кезегі Әзірбайжан көшбасшысы Ильхам Әлиевке келген екен, біз соның маңызды деген қырларына тоқталамыз. Ия, Әзірбайжан президенті қай жағынан алып қарасаңыз да оқшау көрінетін билеуші болып сезіледі. Әкесінің арқасында билікке келу жолы да айрықша, істеп жатқан тірлігі де әзірбайжандарға тән қызбалыққа толы, бірақ нәтижелі. Дегенмен отбасы мүшелерін байлыққа кенелту мен билікке алып келу үрдісінен бұл президент те кенде емес екен. Кіндігінен жараған ізбасары да осы бастан дайын сияқты.
