Таиландтағы турнир: Қазақстанның он боксшысы финалда бақ сынайды
Бангкок қаласында өтіп жатқан Thailand Open халықаралық турнирінде қазақстандық он боксшы финалға жолдама алды.
АЛМАТЫ, NEGE. Ерлер құрамасынан екі спортшы — Төрехан Сабырхан (70 келі) мен Диас Молжігітов (80 келі) — алтын жүлде үшін шаршы алаңға шығады.
Әйелдер арасында бес боксшы финалға өтті: Виктория Графеева (60 келі), Наталья Богданова (70 келі), Надежда Рябец (75 келі), Гүлсая Ержан (80 келі), Елдана Тәліпова (80 келіден жоғары).
Финалдық жекпе-жектер 1 маусым күні өтеді.
Айта кетейік, ұлттық құрама атынан турнирге барлығы он боксшы қатысуда.
Сондай-ақ жартылай финал сатысында төрт спортшы қола жүлдеге ие болды. Олар:
-
Дулат Бекбауов (65 келі),
-
Нұрсұлтан Алтынбек (55 келі),
-
Бекзат Таңатар (85 келі),
-
Данияр Рахымбердиев (90 келі).
Thailand Open — Азияның үздік былғары қолғап шеберлері жиналатын дәстүрлі халықаралық жарыс. Биылғы турнир 24 мамыр мен 1 маусым аралығында өтіп жатыр. Қатысушылар қатарында Қытай, Корея, Жапония, Өзбекстан, Таиланд және басқа елдердің былғары қолғап шеберлері бар.
