Дүние
Таиландта үйлерді топан су басты
Таиландта «Синлаку» дауылы ойран салып, бір жарым мыңға жуық үйді су басты. Табиғат апатынан 20-ға жуық провинцияның тұрғындары зардап шеккен. Чиангмай қаласында жолдарды су шайып, көпір бұзылды.
Алматы, NEGE. Ал Пхукет аралында тұрғындардың жағажайға баруына, ал кемелердің теңізге шығуына тыйым салынды. Паттайя қаласы маңында мыңдаған мидия жағаға шығып қалған. Жұрт оны жапатармағай жинап жатыр. Мамандар болса судың әлі де көтерілу қаупі барын айтады. Естеріңізге салайық, бұған дейін «Синлаку» тропикалық дауылы Қытай мен Вьетнамда ойран салған еді.
Лэй провинциясының тұрғыны Ратртия Панич: "Су деңгейі қасқағым сәтте көтеріліп кетті. Сондықтан заттарымызды үйден алып шығуға үлгермедік. Қазір үйдің ішін тазалап жатырмыз" деді.