Дүние
Таиландта шетелдік демалушылар үшін ереже жеңілдейді
Таиланд 1 шілдеден бастап саяхашыларды «Тай Пасс» онлайн платформасында тіркеуге тұруға міндеттейтін талаптан босатады, деп хабарлайды «Хабар 24».
Алматы, NEGE. Бұл жүйеге сәйкес сырттан келгендер коронавирусты емдеуге кететін шығындарды жабатын медициналық сақтандыру полисін сатып алу керек-тін. Оның құны 10 мың доллар болатын. Енді шетелдік демалушылар вакциналау сертификатын не антигенге жасалған экспресс-тесттің нәтижесін көрсетсе жеткілікті.
Айта кеткен жөн, Таиланд саяхатшылар арасында ең танымал бағыттардың бірі саналады. Елдің жалпы ішкі өнімдегі бұл сектордың үлесі 12 процент шамасында. 2019 жылы мұнда 40 миллион демалушы келген екен. Алайда кейінгі кезде жергілікті компаниялар «Тай Пасс» жүйесі салдарынан туризмнің қайта жандануы баяу жүріп жатқанын айтып жиі шағымданатын болды.