Таиландта полиция тікұшағы тағы апатқа ұшырады
Таиландтың батысында полиция тікұшағы апатқа ұшырап, үш адам қаза тапты, деп хабарлады Anadolu Ajansı.
Алматы, NEGE. Bangkok Post газетінің хабарлауынша, бортында төрт адам болған тікұшақ Прачуапкхирикхан провинциясының Муанг ауданында апатқа ұшыраған.
Биліктің мәліметінше, үш адам қаза тауып, біреуі тікұшақ құлағанға дейін парашютпен секіріп үлгерген.
Тірі қалған адамның жағдайы және оның орналасқан жері әлі белгісіз.
Апат фактісі бойынша тергеу жүргізіліп жатыр.
