Таиланд Қазақстан азаматтары үшін уақытша визасыз режим енгізеді
Екіжақты ынтымақтастықты нығайту және туризмді дамыту мақсатында Таиланд Корольдігінің Үкіметі 2023 жылғы 25 қыркүйектен бастап 2024 жылғы 29 ақпанға дейін Қазақстан Республикасының азаматтары үшін уақытша визасыз режимді енгізеді, деп хабарлады Сыртқы істер министрлігі.
Алматы, NEGE. Қазақстандықтар Таиландта 30 күнге дейін визасыз бола алады. Ұзақ күнге созылатын сапар үшін тиісті визаны ресімдеу қажет.
Жарамды жол жүру құжаты ҚР азаматының паспорты болып танылады, оның қолданылу мерзімі шекараны өту кезінде 6 айдан асуы тиіс.