Тағы бір шенеуніктің әйелі 11 жыл бойы күйеуінен зәбір көргенін айтты (видео)
Атырау облысы Мақат ауданының әкімі, Олимпиада ойындарының қатысушысы Ринат Ибрагимов әйеліне тұрмыстық зорлық-зомбылық жасады деп айыпталды.
Алматы, NEGE. Шенеуніктің бұрынғы әйелі Ақмарал Үмбетқалиева күйеуін зорлық-зомбылық жасады деп айыптап, бейнежазба жариялады.
Ақмарал Үмбетқалиеваның бұрынғы күйеуі оны жүйелі түрде ұрып-соғып, мүгедек қыламын деп қорқытқан. Ол бұған дейін де полицияға шағымданған, алайда бір рет арызын қайтарып алғанын айтады. 2023 жылы әкімге қатысты «Денсаулыққа қасақана орташа ауырлықтағы зиян келтіру» бабы бойынша қылмыстық іс қозғалғанымен, шара қолданылмаған.
Полицияға арызданған кейін күйеуі балаларды алып кеткен.
Аталмыш жағдайдан кейін Мақат ауданының әкімі Ринат Ибрагимовке қатысты қызметтік тексеріс тағайындалғаны хабарланды.
Ринат Ибрагимов – дзюдодан әлем чемпионы, 2008 жылғы Азия чемпионатының күміс жүлдегері, Бейжің және Лондон олимпиадаларының қатысушысы.
