Тағы бір Салтанатты күйеуі жұдырықтаған видео тарады
Аталмыш видеоны блогер Жанна Ахметова Facebook парақшасында жариялады.
Алматы, NEGE. Видеода бұрынғы күйеуінен таяқ жеп жатқан әйелдің есімі – Салтанат. Ер адамның оны жұдырығымен ұрып, жерге құлатқанын көруге болады. Сонымен қатар әйелдің телефонын бірнеше рет жерге лақтырып, сындырып тастайды. Оқиға бейнебақылау камерасына түсіп қалған.
Әйел 11 жыл отасқан күйеуімен ажырасуды шешкен. Балаларын алып, Тараздан Алматыға көшіп келеді. Алайда күйеуі оны артынан іздеп келіп, қайтуға мәжбүрлеп жүрген көрінеді.
Полиция оқиғаға қатысты түсініктеме берді.
«Полиция бұл факті бойынша тергеу жүргізіп, қылмыстық жауапкершілікке тарту үшін жиналған материалдарды сотқа жіберді», - деп хабарлады қалалық полиция департаментінің баспасөз қызметі.