Таеквондошы Самирхон Абабакиров Парижде Олимпиада чемпионына есе жіберді
Таеквондодан Қазақстан командасының мүшесі Самирхон Абабакиров Париж Олимпиадасындағы алғашқы жекпе-жекте жеңіліс тапты, деп жазады Olympic.kz.
Алматы, NEGE. Ерлер арасында 58 келі салмақта сынға түскен Абабакиров алғашқы айналымда Олимпиада чемпионы, италиялық Вито Дел'Акилаға қарсы шыққан болатын.
Алғашқы кезеңде 12:6 есебімен басымдық танытқан Самирхон соңғы екі кезеңде қарсыласқа есе жіберіп алды.
Айта кетелік, бұл қазақстандық таеквондошының алғашқы Олимпиадасы. Ол өз мансабындағы тұңғыш ойында Олимпиада чемпионынан қаймыққан жоқ.
Енді ол қарсыласының финалға жетуін күтеді. Егер италиялық спортшы ақтық сынға жетсе, Самирхон Абабакиров жұбаныш белдесуіне қатысу мүмкіндігін алады.
