Су тасқынынан 43 адам қаза тапты
Индонезия астанасындағы төтенше жағдайға халық алаңдап отыр.
Алматы, NEGE. Джакартада су тасқынынан зардап шеккендер 43 адам қаза тапты - деп хабарлайды Jakarta Post газеті.
Елдің табиғи апаттарының алдын алу ұлттық агенттігінің баспасөз жетекшісі Агус Вибово осыған дейін 90 ауданда Жаңа жыл қарсаңында басталған нөсер жауын әлі тоқтамағанын, сонымен қатар өзендер арнасынан тасығанын айтты.
Көлік қозғалысы шектеліп, электр қуаты сөнген. Жергілікті уақыт бойынша, бейсенбіде кешкі уақытта 400-ден аса адам өз үйлерін тастап, қауіпсіз аймаққа бас сауғалауға мәжбүр болған.
