Су тасқынынан зардап шеккен Қобда ауданының тұрғындарына үй берілді
Қобда ауданында бүгін 100 үй қолданысқа берілді. Ауданы 80 және 100 шаршы метр болатын үй құрылысы үш айда аяқталды, деп жазды kazinform.kz.
Алматы, NEGE. Көктемгі су тасқынынан кейін баспанасыз қалған қобдалықтар бүгін қоныс тойын тойлады. Бұған дейін эвакуациялық пунктте, кейін тума-туыстарының үйінде тұрған олар бүгін өз үйінің кілтін алып, көшті. Тасқыннан кейін барлығы 147 үй салуға шешім қабылданған болатын. Қобда ауданының орталығында құрылысы жүргізілген 130 үйдің 100-і бүгін қолданысқа берілді. Өзгесі Жарық ауылында.
«Су 28 наурыз күні келіп, бізді эвакуациялады. Қазір мұның бәрі артта қалды. Жаңа үйде 4 жан тұрамыз. Балам, немерем жанымда. Тасқыннан кейін 150 АЕК көлемінде материалдық шығын да өтелді», - деді Амангелді Жұбанкен.
Қобдадағы үйлерді салуға «Болат Өтемұратов» қорынан қаржы бөлінді. Құрылысты 13 мердігер жүргізген.
