Су тасқыны болған өңірлерде 100 сәби аман-есен дүниеге келді

Алматы, NEGE. Республикалық ақпараттық штабта өткен брифингте ҚР Денсаулық сақтау министрлігінің ресми өкілі Әйгерім Оразалиева атап өткендей, дәрігерлер құтқарушылармен бірге су басқан аудандардың тұрғындарын эвакуациялауға көмектеседі.

«Ақтөбе облысы Айке ауылының дәрігерлік амбулаториясының медицина қызметкерлері Жүргенев ауылының 530 тұрғынын аудан орталығына қайықпен эвакуациялауға көмектесті. Олардың арасында көп қарт пен бала және жүкті әйелдер болды. Барлығы медбикелер Бақытжанова Ақнұр мен Аймағанбетова Арайлымның сенімді бақылауында болды», - деп атап өтті ОКҚ алаңында спикер.

Сонымен қатар дәрігерлер су тасқынынан қиын жағдайға тап болған Қызыл Жұлдыз кентінде тұратын 16 отбасына азық-түлік жеткізді.
Сондай-ақ Денсаулық сақтау министрлігінің ресми өкілі барлық нысанда жұқпалы аурулардың алдын алу мақсатында СЭС органдары ауыз сумен жабдықтауды бақылауды күшейтетінін атап өтті. Сонымен қатар өңірлерге ұлттық қоғамдық денсаулық сақтау орталығының мамандары жіберілді.

«Бүгін ғана стационарлық көмек көрсетуді тоқтату, сумен жабдықтау көздерін вируспен жұқтыру туралы жалған ақпарат тарала бастады. Тағы да осындай мәліметтерге сенбеуге және таратпауға, халық арасында дүрбелең туғызбауға шақырамыз. Шынайы мәлімет алу үшін ресми ақпарат көздеріне, Денсаулық сақтау министрлігіне, Санитарлық-эпидемиологиялық бақылау комитетіне, жергілікті денсаулық сақтау басқармасына хабарласуыңызды сұраймыз, біз сіздердің кез келген сұрақтарыңызға жауап беруде дайынбыз», - деп сендірді Әйгерім Оразалиева