Стоматологиялық қызмет арқылы зейнетақы қорынан 46 миллиард теңге жымқырған күдіктілердің бірі ұсталды
Жалған стоматологиялық клиникалар арқылы ақша жымқыруды ұйымдастырды деген күдікке ілінген Аслан Дүйсенов ұсталды.
Алматы, NEGE. Бұл туралы Сенаттағы брифингте Қаржылық мониторинг агенттігі төрағасының орынбасары Жеңіс Елемесов мәлімдеді.
«Біріншіден, оның процессуалдық статусы күдікті. Оған сырттай айып тағылып, сот қамауға алу түріндегі бұлтартпау шарасын бекітті. Осыған байланысты іздеу жарияланды. Қазіргі уақытта күдікті ұсталып, сот санкцияны растады. Тергеу барысында оның төрт клиника ашуға қатысы бары толық дәлелденді және заңсыз әрекеттер нәтижесінде алынған қаржы сомалары да анықталды», — деп жауап берді Жеңіс Елемесов.
Бұған дейін агенттік жалған стоматология ашқан Аслан Дүйсеновке, Ғаббас Иманбаевқа және Есімхан Елеушевке іздеу жариялаған болатын.
