Степногорск әкімі тәртіптік жазаға тартылды
Степногорск қаласында мыңдаған тұрғын жылу ақысын артық төлегені үшін қала басшысы Гайдар Қасенов тәртіптік жазаға тартылды.
Астана, NEGE. Прокуратураның хабаралауынша, 41 көппәтерлі тұрғын үйде жылу энергиясы үшін төлем нақты есептеу аспаптарының көрсеткіштері бойынша емес, белгіленген нормативтер негізінде есептелген. Соның салдарынан төлемдер негізсіз өскен.
«Бұл фактілер жылумен жабдықтаушы ұйым тарапынан Қазақстан Республикасының «Жылу энергетикасы туралы» заңы талаптарының бұзылғанын, сондай-ақ жергілікті атқарушы органның жылыту маусымына дайындықты қамтамасыз ету жөніндегі мемлекеттік бақылауды тиісінше іске асырмағанын көрсетеді», – делінген облыстық прокуратура хабарламасында.
Прокурорлық қадағалау актісі бойынша қаладағы 8 мыңнан астам тұрғынның жылу энергиясы үшін төлемақысы қайта есептеліп, оның жалпы сомасы 8,1 млн теңгені құраған.
«Жол берілген заң бұзушылықтар үшін қала әкімі тәртіптік жауапкершілікке тартылды», – деп хабарлады қадағалаушы орган өкілдері.
Бұдан кейінгі жағдай Степногорск қаласы прокуратурасының бақылауында болады.
Қазір оқып жатыр
Олжас Бектенов Алматы тау кластері мен Almaty Superski жобаларын жүзеге асыру қарқынын жеделдетуді тапсырды
Жамбыл облысында жасөспірімдерді өз-өзіне қол жұмсауға итермелеген не жағдай?
Қызылордада «Таза Қазақстан» экологиялық акциясы аясында кезекті ауқымды шара өтті
«Әлеуметтік желі арқылы нұсқау берілген»: Алматыда оқушы қыз мектепке балта алып барған
