Станислав Черчесов қызметінен кете ме? Қазақстан футбол федерациясы ресми мәлімдеме жасады
Әлеуметтік желі мен баспасөз құралдарында футболдан ұлттық құраманың бас бапкері Станислав Черчесовтың отставкаға кететіні туралы ақпарат тарады.
Алматы, NEGE. Аталмыш ақпаратқа байланысты Қазақстан футбол федерациясы мәлімдеме жасады.
«Футболдан Қазақстан ұлттық құрамасының бас бапкері Станислав Черчесовтің қызметінен кетуі туралы кейбір бұқаралық ақпарат құралдарында жарияланған ақпарат шындыққа жанаспайды. Қазіргі таңда Станислав Черчесов Ұлттық құраманың бас бапкері қызметін жалғастырып, Қазақстан футбол федерациясымен келісімшарт бойынша жұмыс істейді», – делінген мәлімдемеде.
Сондай-ақ Қазақстан футбол федерациясының баспасөз қызметі тек ресми ақпарат көзіне, федерацияның ресми сайты мен әлеуметтік желілерінде жарияланған ақпаратқа сенуге шақырды.
Қазір оқып жатыр
Абай облысында жүргізуші куәлігін алуға көмектескен лауазымды тұлғалар ұсталды
30 маусымда қос Палатаның бірлескен қорытынды отырысы өтеді
«Van Cleef алқасын, Dior сөмкесін пара ретінде алған»: Кореяның экс-бірінші ханымы тағы 7 жыл арқалады
Бейбіт Құсайынов: Қазақстанда екінші орын алсаң, «бірінші орын алдым» деп есептей беруге болады
