Спутник түсірген суреттер Қазақстандағы 4,5 мыңға жуық қоқыс үйіндісін жоюға көмектесті
Спутниктік технологиялар заңсыз қоқыс үйінділерімен күресуде тиімді қаруға айналды.
Астана, NEGE. Экология және табиғи ресурстар министрі Үкімет отырысында стихиялық қоқыс үйінділерінің анықталғаны туралы «Қазақстан Ғарыш Сапары» деректері негізінде аумақтық экология департаменттері әрбір жағдайды тіркеп, әкімдіктерге бұзушылықтарды жою туралы нұсқама беретінін хабарлады. Былтыр ғарыштан түсірілген суреттер 4,8 мыңға жуық заңсыз үйілген қалдықтарды анықтауға көмектесті. Олардың барлығы дерлік жойылды.
Қазіргі уақытта Министрлік басшылығы осы бағыттағы жұмысты күшейту бастамасын көтеріп отыр. Атап айтқанда, ведомство жетекшісі Нұрлан Нысанбаев елді мекендерге ғарыштық мониторинг жүргізуді қамту аймағын, сондай-ақ ғарыштық түсірілімдерді өткізу жиілігін кеңейтуді ұсынды.
