31 Шілде 14:30
Сәкен Бибосынов ширек финалға шықты
Токиода өтіп жатқан Олимпиадада қазақстандық боксшы Сәкен Бибосынов Францияның былғары қолғап шебері Биллал Биннаманы жеңді.
Алматы, NEGE. Қазақстандық боксшы Сәкен Бибосынов Токио Олимпиадасының ширек финалына шықты. Есеп - 5:0.
Айта кетейік, 26 шілдеде қазақстандық боксшы Сәкен Бибосынов Токио Олимпиадасында 1/8 финалға жолдама алған болатын.
Алғашқы кезеңде Бибосынов Пуэрто-Рико өкілі Янкель Ривера Фигероамен жұдырықтасты. Қазақстандық боксшы қарсыласын 4:1 есебімен жеңген еді.
29 жастағы Бибосынов - 2019 жылғы әлем чемпионаты мен 2021 жылғы Азия чемпионатының қола жүлдегері.
