23 Ақпан 12:00
...
Роналду кезекті рекордын жаңартты
Туриндік «Ювентус» пен Португалия құрамасының шабуылшысы Криштиану Роналду кезекті рекордына қол жеткізді.
Алматы, NEGE. Әлемге әйгілі футболшы Италия чемпионатының 25-ші турында кәсіби мансабындағы мыңыншы ойынын өткізді.
Туриндік «Ювентустың» шабуылшысы айтулы күнде СПАЛ қақпашысынан айласын асырып, командасының жеңісіне үлес қосты.
Оның бұл добы Роналдудың кезекті рекордын тіркеді.
Криштану Серия А-да 11 ойын бойы үздіксіз гол соққан үшінші футболшы атанды. Осыған дейін бұл нәтижені Габриэль Батистута мен Фабио Квальярелла тіркеген.
