«Канело» тағы бір чемпиондық белбеуге ие болды
Мексикалық боксшы Сауль «Канело» Альварес (54-1-2, 36 КО) The Ring журналының нұсқасы бойынша супер орта салмақтағы чемпион белбеуін иеленді.
Алматы, NEGE. Бұған ол желтоқсан айында британдық Каллум Смитті (27-1, 19 КО) жеңгеннен кейін ие болды, деп хабарлайды ҚазАқпарат Sports.kz -ке сілтеме жасап. «Канело» үшін Бұл The Ring-тің үшінші белбеуі және олардың барлығын түрлі салмақ дәрежелерінде иеленген: бірінші орта, орта және супер орта. Еске салайық, Смитті жеңген Альварес WBA Super нұсқасы бойынша әлем чемпионы атағын алған болатын. Сондай-ақ WBC белбеуін де иеленген.
Келесі жекпе-жегін «Канело» 27 ақпанда түрік Авни Йылдырымға (21-2, 12 КО) қарсы өткізеді. Мексикалық ұтысқа бірден екі белбеуін қояды. Ал қазақстандықтар Головкин – «Канело» трилогиясының соңғы жекпе-жегін күтуде. ESPN Deportes көпұлтты спорт арнасының ақпараты бойынша, Геннадий Головкин – Сауль «Канело» Альварестің жекпе-жек трилогиясының соңғы бөлігі осы жылдың қыркүйек айында өтуі мүмкін.
