20 Сәуір 19:27
Головкиннің «шәкірті» дайындалып жатыр
Екінші орта салмақтағы қазақстандық боксшы Әли Ахмедов (16-1, 12 КО) келесі жекпе-жегіне дайындығын жалғастыруда, деп хабарлайды Sports.kz сайты.
Алматы, NEGE. Instagram Stories-інде Ахмедов спортзалда түсірілген фото жариялап, оны «Жұмыс» деген жазумен толықтырды. Қазақстандықтың шаршы алаңға оралу уақыты белгісіз.
Әли Ахмедов соңғы жекпе-жегін өткен жылдың желтоқсанында АҚШ-тың Флорида штаты, Голливуд қаласында өткізді. Онда өзінің бокс мансабында алғаш рет жеңіліді. Эквадорлық Карлос Гонгора (20-0, 15 КО) екінші орта санаттағы IBO әлем чемпионының бос титулы үшін айқаста Ахмедовті нокаутқа жіберді.
Еске сала кетейік, Әли – Геннадий Головкиннің промоутерлік компаниясы GGG Promotions-тың боксшысы.
