Сот-медициналық сарапшылардың жалақысы көтеріледі
Қазақстанда сот-медициналық сарапшылардың жалақысын 45 пайызға дейін көтеру жоспарланған. Бұл ақпаратты Әділет министрі Марат Бекетаев хабарлады.
Алматы, NEGE. «Өндірістердің, жұмыстардың, пайдасына міндетті кәсіптік зейнетақы жарналарын төлеу жөніндегі агенттер меншікті қаражаты есебінен міндетті кәсіптік зейнетақы жарналарын жүзеге асыратын, еңбек жағдайлары зиянды жұмыстармен айналысатын жұмыскерлер кәсіптерінің тізбесін бекіту туралы» Қазақстан Республикасы Үкіметінің 2013 жылғы 31 желтоқсандағы № 1562 қаулысына толықтырулар енгізу бойынша жұмыстары пысықталуда. Жоба сот сараптамасы саласындағы мамандықтарды тізбеге қосуды қарастырады. Аталған Қазақстан Республикасы Үкіметінің қаулысына енгізілетін өзгерістер мен толықтырулар жекелеген санаттағы сот-медициналық сарапшыларының, орта және кіші медициналық персоналдың жалақыларын 30-дан 45 пайызға дейін көтеруге және жұмыс берушінің есебінен 5 пайыз мөлшерінде кәсіптік зейнетақы жарналарын төлеуге мүмкіндік береді», - деді Марат Бекетаев
